فراخ كنتاكى على طريقة الشيف اسامة *

فراخ كنتاكى على طريقة الشيف اسامة *من مطبخى


اخيرا اتشجعت وعملت فراخ كنتاكى من غير سلق
ومخوفتش من عدم السوا وهتشوفوا لية
ودى طريقة الشيف اسامة مع شوية اضافات منى
دلوقتى ندخل فى المفيد

اولا\ هنتبل الفراخ
لبن رايب 0ملح0فلفل اسود0جنزبيل 0شطة 0بصل مفروم
توم مفروم او بودرة حسب الرغبة
ونسيبهم فى التتبيلة اطول فترة ممكنة

ثانيا\ هنحضر الاتى
دقيق ابيض -دقيق ذرة او اصفر -كيس سبايسى بخلطة الفرايد تشيكن
ممكن عادى وممكن حااااااااااار وبتبقى اروع

ثالثا
نطلع الفراخ من التتبيلة ونحطها فى الدقيق
وتهز الفراخ تنزل الدقيق الزايد بس خلى بالك
وغطيها كويس اوى

بعدين حطيها فى الفريزر شوية
وبعدين تقلى فى زيت غزير وسخن جدااااااااا زى ما احنا عارفين
يادوب تاخد اللون الدهبى وبعديييييييييييييين

نطلعها فى صينية
وندخلها فرن متوسط الحرارة تكمل سواها

وبالف هنا وشفا احلى كنتاكى بيتى

ومتنسووووووووووش تدعولى بتيسير الحال
وان ربنا يفك كربنا ان شاء الله