"مافيش دخان"
بتفرض علينا طوارىء
وأنت أصلا كنت سوابق
برودك ده شعللها حرايق
وأنت دايما بالك تملى رايق
الشعب فاض بيه ومش فايق
هقلك إيه ولا كلمة ليك طايق
زى الغلا لما تفرض عليه ضرايب
**** **** ****
مافيش دخان من غير نفخة فـ نار
أحقر إنسان بقى فـ ثانية من الثوار
لبسوه بدلة من بعد عمة وقفطان
ونسى اللى كان عليه هوة من زمان
بقى الولى والخليفة وكمان السلطان
طلع بسلم الثورة الخلفى أه ياألعبان
ياشلة ناور الله جبر سيبولنا فيها مكان
**** *** ***
لو كل مصيبة نقول سببها أفشل نظام
يبقى عليه العوض وعليكى يامصر السلام
تلكيكة ورا تلكيكة ولسانا لبلب فى الكلام
مسحتوا أملنا بأستيكة ده حلال ده ولا حرام
**** **** ***
مابلومشى عليكوا قد ماأنا زعلان على بلدى
لأن العيب ده فيكوا ومن زمان المحروسة بلدى
مش أى حل هتخبطوا هينهى أزمة من جذورها
أنتوا عليكوا تخبطوا وإحنا نشيل همومنا وهمومها
بقلم/عدنان بركات.
بتفرض علينا طوارىء
وأنت أصلا كنت سوابق
برودك ده شعللها حرايق
وأنت دايما بالك تملى رايق
الشعب فاض بيه ومش فايق
هقلك إيه ولا كلمة ليك طايق
زى الغلا لما تفرض عليه ضرايب
**** **** ****
مافيش دخان من غير نفخة فـ نار
أحقر إنسان بقى فـ ثانية من الثوار
لبسوه بدلة من بعد عمة وقفطان
ونسى اللى كان عليه هوة من زمان
بقى الولى والخليفة وكمان السلطان
طلع بسلم الثورة الخلفى أه ياألعبان
ياشلة ناور الله جبر سيبولنا فيها مكان
**** *** ***
لو كل مصيبة نقول سببها أفشل نظام
يبقى عليه العوض وعليكى يامصر السلام
تلكيكة ورا تلكيكة ولسانا لبلب فى الكلام
مسحتوا أملنا بأستيكة ده حلال ده ولا حرام
**** **** ***
مابلومشى عليكوا قد ماأنا زعلان على بلدى
لأن العيب ده فيكوا ومن زمان المحروسة بلدى
مش أى حل هتخبطوا هينهى أزمة من جذورها
أنتوا عليكوا تخبطوا وإحنا نشيل همومنا وهمومها
بقلم/عدنان بركات.