يا خاطى

يا خاطى
\\\\\\\\\\\



يا خاطى كفايه وتوب ليه تحوِِش فى الذنوب


يا خاطى وعايش ناسى ان كله عليك مكتوب



ازرع خير هتلاقى الخير ليك مكتوب


ازرع شر هتلاقى الشر عليك محسوب



ممكن تكذب علىّ وممكن اكذب عليك بالغرور


لكن مستحيل نقدر نكذب على الله مُجرى الامور



يا خاطى تعالى قول لى انت فاكر نفسك مين


يا خاطى ارجوك اسمعنى انا وانت كقبض الريح



ارجع يا خاطى قوام


حياتنا مثل البخار تظهر قليلاً ثم تضمحِل



ارجع يا خاطى قوام


أنت أصل الأنسان وربك للخطيه هو يغفر



ارجع يا خاطى قوام


يا ناسى حجمك امام الديان وقدام الناس بتكابر


يا رافع نفسك فوق الناس وانت فى الاساس واطى


انت شوية تراب لو يوم اعتلوا سوف تذريهم الرياح


شوية تراب راح يرحلوا مابين مسا وصباح



مهما كانت قوتك بكره هتموت وبدنك راح ياكله الدود


مهما كانت عزوتك بكره هتنام وحيد فى الارض مدفون



مهما كان مالك عمره ما ها يهنالك ولغيرك هو موروث


مهما كانت ذريتك محدش منهم راح يرقد معاك يوم



مهما كان عدد حبايبك يوم الفراق عليكم مكتوب


مهما كان اخلاص حبيبك يوم الهجرعلينا مكتوب



عيش حياتك حاطط ربك جوه قلبك وحمولك فوق كتافك


عيش حياتك شاكر دائماً إالهك على كل ما اصابك


الخير كله جاى منه والشر فيه من عمايلك وعصيانك


الله يُمهل ولايُهمل ان تماديت فى خطاياك وافعالك



ان تُبت ياخاطى بلا رجوع للخطيه بتوبه صادقه بقلبك


الله راح يقبلك ويغفر لك ذنوبك ويطهر مرقدك وقلبك


ومع الابرار راح يتكتب اسمك



الله بيُحبك وبيُنادى عليك وباب العمر مفتوح


لو وافتك المنيه وانت عايش مع الخطيه


راح تموت وأنت مفضوح



.............


قلم الصابر

نسأل الله سبحانه أن يغفر لنا خطايانا وذنوبنا ويتوب علينا
جزاكِ اللهُ خيراً


على هذا الطرح الطيب


نفع اللهُ به ؛ وجعله اللهُ فى ميزان حسناتِكِ




اللهم آمين

مشكوووووووووووررررررررررررر