الخبز المحشو بالخطوات

الخبز المحشو بالخطوات
الســلام عليكم
اليوم لطشت لكم طبخ روووعه راح تعجبكم
أخلكم مع الطبخه
مقادير العجينه
1ونص كوب حليب سائل
2بيض
4كاسات دقيق ابيض يمكن اقل او اكثر بشوي حسب نوع الدقيق انا استخدمت ا لكويتي
1 ونص م ك خميرة فوريه
ثلاثة ارباع فنجان القهوة سكر
1م ص ملح
ثلث كوب زيت
الطريقة
نخلط المقادير الجافة سوا
بعدين نظيف السوائ
نعجنها زيييييين حوالي 15 دقيقة وبعدين غطيها واتركيها تخمر ربع ساعة
على بال ما تخمر نجهز الحشوه زي ما في الصورة
بصل
فلفل حار
زيت لتقلية البصل
8حبات كيري
نقطع البصل صغير والفلفل ونحط عليه قليل زيت
ونقلبه على النار لين يشقر البصل
نحط الجبنه
نقلب شوي حتى يمتزجون وما تطول على النار فقط دقيقتين وهذا شكلها بعد ما استوت
نغطيها ونشيلها على جنب ونرجع للعجينة نقسمها زي الصوره
كل قسم نسوي منه 4 كور يعني تطلع عندنا 16 كوره ونغطيها علشان ما تنشف
نبدا نفرد الكورة الاولى
وندهن وجهها بزيت الزيتون
ونفرد الثانية ونحطها فوق الاولى وندهن وجهها بزيت الزيتون برضه والثالثه والرابعة نفس الطريقه بس الرابعة ما ندهنها وبتكون عندنا اربع طبقات نبدا نحشيها
ونلفها زي السويسرول
نقطعها زي الصورة
ونرصها في صينية مدهونة زيت ونمسح وجهها ببيض مخلوط معاه حليب سائل ونرش عليها السمسم وحبة
ندخلها الفرن وتترك من 25 الى30 دقيقة على نار وسط وهذا شكلها بعد ما خرجت من الفرن
حياكم الله تفضلوا

بارك الله فيك ولا حرمنا من اعمالك